دسې آى اې جال په افغانستان کې راپريوتى!!
خبيراحمد
افغانستان په رښتياچې ديرغلګرودهضم اواشغال ځمکه نده ، که بهرنيان، دوسايلو، تکنالوجي، لښکرو، استخباراتواومادي امکاناتوله وجې تردوغوږونوپورې مجهزاوبسيادي ، خودادى لنډپه لنډدسرپه سترګوليدل کيږي چې دافغانانوهمت اوجهادي عزم ته مات بې وسه اوسلامي دي
امريکايانوچې ٩ کاله وړاندې دافغانستان اشغال ته بډې ووهلې ، تربل هرڅه چې ډيرپرې نازيدل اوافغانستان يې له لوى زيان نه پرته دخپل نيواک يوه وړوکې ګوله بلله ،هغه پرپوځي پرمختللې تکنالوجى سربيره دسې آى اې داستخباراتي شبکې سريعه اومسلطه کارګردګي وه ، ځکه دسې آى ې چارواکواوسرچينوبه ويل چې دوى په افغانستان اوسيمه کې دومره ډلې ټپلې ، شبکې ، شخصيتونه اوافرادډالرواونوروسياسي لالچونواورشوتونوپه بيه ايجنټان اوخپل کړي چې ترډيرې مودې کولاى شي خپلې موخې دخپلودغونوکرانوپه زريعه پلې اوبريالى وساتي
په پيل کې همداسې وو، په افغانستان چې امريکايانواومتحدينويې يرغل پيل کړاودملامحمدعمرمجاهدپه مشري دطالبانواسلامي حرکت يې مقابلې ته راودانګل ، دسې آى اې دايجنټانوبازاردومره ګرم اوپه جنون کې وو، چې دګوتوپه شمير، له رښتينواوباهمته مسلمانانوپرته په ټوله سيمه دامريکادويرې او هيبت خپسکې ،دبې باون دالوتکووحشت ، دسې آى اې دموډرنوجاسوسي الاتواوسټلايټونو پريماني هغه امريکايي حربې وي چې په هغه مهال يې امريکايي يرغل ته څه ناڅه مورال وربښلى ؤ چې ان دخپل منځي تربګنيواودښمنيوخاوندانوهم ترډيره ځايه دسې آى اې له خورجاسوسى جال نه ښه استفاده وکړه ، خپل دښمن يې دامريکاددښمن اوغليم په نوم معرفي ، دسې آى اې امريکايي ځناوروهم پرته له کومې دقيقې پلټنې اوپوښتنې ورپه ګوته شوي خلک اوکورنى ياله يوې مخې بمباراويايې دبګرام ، ګوانتنامواونوروامريکايي زندانونوتوروتمبوته ورسول
له بلې خوا، فضااوشرايط دومره دامريکاپه ګټه وه ، چې سې آى اې دخپلوبې خرته ډالروپه واسطه دسياسي ګوندونو، بشري سازمانونو،ازادي خوښومدعيانو، ميډيااوحقوقي حلقوپه خولوباندې هم کلک مهرونه لګولي ؤ ، درښتينواوبااحساسه مسلمانانوڅخه علاوه ، چادامريکااويرغلګروپه خلاف سوڼ قدرې هم نه کاوه ، فکر، ژبه ، قلم ، جرئت اوهڅي يې ټولې دلوى استعمارتائيد، دفاع اوديرغل توجې کولوته وقف اوپه چوپړکې وي
ددوى ټولوله ژبو، قلمونواودريځونوڅخه دسوله ساتو، بين المللي قواوو، ديمکراسى ، مدني ازاديواوهاغه دغوپه نومونوغوړوشعارونه راپورته کيدل اوهغه به يې ټول دامريکا اوبهرنيوقواوودروان يرغل په خدمت کې استعمالول
دصليبي يرغل تائيداومرستې ته يوشميرپخواني اوکټر بنسټپال اخوانيان ، مخکښ کمونيستان ، ستميان ، افغان ملتيان ، په پيسواوچوکيومين ځينې قلموال ، يوشميردرباري ملايان ، حضرتان اوپيران هم په ګډ موقف اويوه امريکايي دريځ کې سره يوځاى شول ، خپلې مذهبي ،عقيدوي نشلستي اوهرډول نارې اوشعارونه يې د امريکايي تجاوز دفاع ته وقف کړل ، چا ويل چې امريکايي عسکرځکه يرغلګرې قواوې نه بلل کيږي چې هغو دافغانانو(دوى ) ! په خوښه راغلي اوبين المللي هوکړه هم له ځان سره لري ،چاويل امريکايان اومتحدين يې چې افغانستان ته راغلي نيت اواصلي موخه يې بيارغونه ده اوپه ضمن کې يې چې عام خلک وژني دغه کار سهواْ ترې پيښيږي ، قصدي يې نکوي ، چاويل چې افغانان ښايي له دغه حالته ګټه پورته کړي ، دامريکايانوله حضورنه استفاده وکړي ،له ګاونډيانونه دتيروجفاوو، غچ اوس واخلي !! چاڅه ويل اوچاڅه .......
خوڅنګه چې دوى ټول دسې آى اې ، مامورين ؤ اودهغوى ډالرواومکافاتوپه حقايقو، دين ، مذهب ، هيواداوملي وجدان ددوى سترګې پټې کړې وي ، تورته يې سپين اوسپين ته يې تورويل ، دوخت په تيريدوچې کله سې آى اې پوه شوه چې نوردغه سوليدلې سټې په نوکرى نه ارزي اولدې زيات لګښت پرې هسي اوتې بوتي دي ! مخ يې ترې په بله کړ، راشن يې پرې بندکړاو دوى يې عملااستفراق کړل ،
دغوايجنټانو هم کرارکرارپه ګيلو، مانوپيل وکړ، چې امنيت نشته ، ولسي وژنې کيږي ، داسلامي قوانيوسپکاوى ترسره کيږي ، په دولتي اداروکې فساداودرغلي موجوده ده ، کاراهل کارته ندى سپارل شوى اوداسې نور........
په داسې حال کې چې دوى ټول امريکايي چاکران ؤ، دهغوى دتوپ ، ټانک اوالوتکوپه زور، افغانستان ته راغلل ، ډالرودوى ته حثيت وروباښه اوترهغه چې ددوى چربه وه ، دامريکايانوپه هرې فجايع ، ناورين ، جنايت اووحشت به يې پرده غورځوله ، سکوت به يې پرې کاوه اوحيلې به يې ورته جوړولې ، دانن هم که هاغه تيره چربه بياورته راوګرځي ، نه به سياف ، رباني ، قاضي وقادګيلمن ووينې ، نه به ګلابزوى ، جنرال دوستم ، سيدکان ، اشرف غني ، جلالي اونورامثال يې دخفګان اظهاروکړي !
اصلي خبره مودسې آى اې کوله چې په پيل کې دخپلوزيره خوروپه واسطه چې په هرقشراوطبقې کې موندلي اوپه کرايه کړي ؤ ، دموقت بري کوله ، داسمه اورښتينې خبره وه چې په سرکې دغې تورې شبکې دخپلوايجنټانوپه شيطانت ديوشميرمجاهدوافغانانواودنړى دڅوسووتنوميړنيومسلمانانوپه نيولواو شکنجو بريالى شوه اويو څودقيق توغندي يې په سيمووويشتل ، خومجاهدينوډيروخت دغونړيوالوجنايتکارانوته ورنکړ، ورته متوجه شول ، دهيوادپه هرکونج اوکنارکې پرې راوګرځيدل ، دسې آى اې دايجنټانودپيژندلو، څارلواوتصفيه کولوپه برخه کې يې هڅي پيل کړي ، څه يې ووژل ، څه يې وويرول اوڅه يې توبګارکړل ، مطلب داچې ترډيره حده يې دامريکايي استخباراتي وحشت هغه کمبله چې دماهرواوروزل شووجاسوسانوپه توسط يې خوره کړې وه ، ټوله دافغانستان پراخه اوقاطع ځمکه يې له دغه لعنت نه پاکه اوستره وګرځوله اودځمکې له سرنه يې دسې آى اې لښکرې چې په افغاني جامه کې وي رسوا، خنثى اوشنډې کړي ، خبره يواځې ، هواته پاتې شوه ، دهوااوفضاله لارې يې دبې پيلوټه الوتکوپه استخدامولوخپلې ماتې اوګوډې توطيې وغزولې چې دمعلوماتوله مخې دامريکايي شبکې لدې لارې اهداف تعينول اوموخې ته رسيدل ډيرکمزورى ، بې پايلواوپه سلوکې يوفيصد دى!
اوترټولوزيات ګوزارچې دسې آى اې ، خونکار اواسلام دښمنه جال ته ورسيداوعملايې راپريويست اودغه شبکه يې دامريکايي ولس اودنړى دنوروجاسوسي شبکوپه وړاندې په دوه توته کړه ، هغه تيره اونۍ دخوست په ولايت کې ديوه اتل مجاهدله لوري دنوموړې جاسوسي ادارې په ګڼولوړپوړوغړوفدايي حمله اودهغووژنه وه
چې داسوشیټیډ پریس دراپورپه اساس چې د سی آی اې افسرانو خبر ورکړی وايي چی د خوست په حمله کی چی کوم اته سی ای اې وال وژل سوي وو ، یوه یې په خوست کی د سی آی اې ، خوراماهر اوکارنده آمره وه چی د درو اولادونو مور وه .
په واشنګټن کی د سی آی اې لوی رییس « لیون پنیتا » د دې افسري او ۷ نورو ایجنټانو په وژنه سره خپل ژور غم او ماتم ښکاره کړ او دا پیښه یې په اتو کالو کی د سی آی اې لپاره عظیم ترینه ضایعه وبلله .
سی آی اې وویل چی د هغوی نومونه د وظیفې د حساسیت له امله نسي معرفي کولائ .
خبر زیاتوی چی په تیرو اتو کالو کی د سی آی اې فقط درې افسران په افغانستان کی وژل سوي وو، خو دتيرې اونى په حملې سره اته نور افسران په صرف څو دقیقو کی د مرګ کندی ته ولوېدل او شپږ نور یې هم ژوبل سول چی دا د مجاهدينو لپاره یو ډیر ستر بریالیتوب ګڼل کیږي ، ددغه بريالي ګوزاراندازه بائيدلدې هم معلومه شي ، چې دخوست يوه لوړرتبه مقام اوسرپرست والي رسنيوته ددغې پيښې په اړه وويل چې نورپه خوست کې شپه ګرانه ده ، ځکه دسې آى اې په مهم مرکزبريداودمخې چارواکووژنه يې څرګندوي چې له دښمن نه نورنشوپټيداى ، ديادولووړده چې دسرپرست والي خبره رښتياهم وخته ، درى ورځې وړاندې دخوست ولايت په مقام کې هم بمي چاودنه وشوه اودسرپرست والي په ګډون ګڼ مهم دولتي مامورين کلک ټپيان اويوشميريې ووژل شول
په دې توګه دې بريدپه ډاګه کړه چې دسې آى اې ، دځواک اومهارت خيالي داستان نور، هيڅ اوکوم ارزښت نلري ، دغه شبکه نوره محکومه اودمجاهدينوترګوزاراوبريدلاندې ده ، سې آى اې ، والوکه څه هم پخواويل چې په نړى کې څوک داجرئت اوصلاحيت نلري چې دوى ووژني ، شکنجه يې کړي اووې ويروي ، ځکه دغه هرڅه بائيددوى ترسره کړي ، خواوس هغه ده خبره برعکس ده ، دلوى خداى په فضل به سې آى اې ، يواځې ددفاع حالت غوره کوي ، دبريداوغچ ځواک به له مسلمانانوسره وي ( انشاالله تعالى )
No comments:
Post a Comment